Kiara ko laga jaise koi uske kaan ke bilkul paas saans le raha ho. Garam, bhaari aur zinda. Uski aankhen jhatke se khul gayi. Andhera. Har taraf sirf andhera. Itna gehra ke lag raha tha jaise hawa bhi kaali ho chuki ho. Uska dil zor se dhadak raha tha, saans tez thi. “K…Kiansh…?” usne kampte hue pukara, lekin jawab mein sirf sannata mila. Usne haath badha kar paas dekhna chaha, par Kiansh wahan nahi tha. Ghabrahat se uth baithi aur tabhi uske kaan mein zanjeeron ke takrane ki awaaz padi. Jab usne palat kar dekha, Kiansh kamre ke dusre kone mein bandha hua tha, khoon se bhara chehra, aankhen band, jaise zinda hote hue bhi kahin door kho gaya ho.
Kiara ghishti hui us tak pahunchi. Uske gaal par haath rakha, thappad maara, “Kiansh… uth jao… please…” par koi response nahi. Uska dil jaise seene mein toot kar gir gaya. Tabhi peeche se ek thandi awaaz aayi, “Woh zinda haij peeche dekha, koi uski taraf aa raha tha… ghaseet-ta hua… aur jab us chehre ko dekha, uski cheekh nikal gayi. Woh khud thi. Uska hi chehra, khoon se bhara hua.
Ek jhatke ke saath light wapas aayi. Kiara phir se usi kamre mein thi. Kiansh wahi bandha hua. Aprajita saamne khadi muskurate hue. “Yeh sab tumhare dimaag ke saath ho raha hai Kiara… main tumhara dimaag tod rahi hoon,” usne kaha. Kiara ro padi, zameen par gir gayi. “Mujhe maar do… par use chhod do…” Aprajita ne jhuk kar uske kaan mein kaha, “Marna itna aasaan hota na… toh main yeh khel khelti hi nahi.” Usne taali bajayi aur darwaza khul gaya. Do log andar aaye, haath mein injection. Kiara peeche hatne lagi, “Yeh kya hai?” Aprajita ne shaant awaaz mein kaha, “Tumhara sach.”
Injection Kiara ke haath mein ghus gaya. Uski aankhen dheere dheere bojhal hone lagi. Aakhri cheez jo usne dekhi, Kiansh ki aankh ka khulna aur uska chillana—“KIARAAA!” Phir sab kuch andhere mein doob gaya.
Jab Pyaar Zanjeer Todne Lage
Kiara ko lag raha tha jaise woh kisi gehre samundar mein doob rahi ho. Har taraf andhera tha, bhaaripan tha aur ajeeb si awaazein thi jo kabhi paas se guzarti, kabhi door chali jaati. Kabhi usse Kiansh ki awaaz sunai deti, kabhi kisi ke hansne ki. Uska jism bilkul sunn pad chuka tha, par uska dil ab bhi zinda tha aur sirf ek hi naam le raha tha—Kiansh. Usse mehsoos ho raha tha jaise koi usse zinda rakhne ki zid kar raha ho, jaise koi usse andhere se kheench kar bahar laana chahta ho.
Udhar Kiansh ki aankhen dheere dheere khuli. Sir mein tez dard tha, poora jism thaka hua lag raha tha, par jaise hi uski nazar Kiara par padi, uska saara dard peeche reh gaya. Kiara zameen par padi thi, bilkul shaant, jaise saans bhi mushkil se le rahi ho. Uska dil zor se dhadak utha. Usne poori taqat laga kar apne haath kheenchne ki koshish ki. Zanjeer ki awaaz kamre mein goonj uthi. Kalaiyon par jalan hui aur khoon ki halki si lakeer behne lagi, par use dard mehsoos hi nahi hua. Uske liye sirf Kiara important thi.
“Kiara… uth jao… please…” uski awaaz kaanp rahi thi. “Mujhe dekh lo… main yahin hoon… tum mujhe akela nahi chhod sakti…” Koi jawab nahi aaya. Us pal Kiansh ke andar kuch toot gaya. Phir bhi usne haar nahi maani. Ek baar phir zor lagaya. Zanjeer poori tarah nahi tooti, par hook thoda sa dheela pad gaya. Bas itna hi uske liye kaafi tha.
Woh ghishta hua Kiara ke paas pahunch gaya. Usne Kiara ke chehre ko apne haathon mein liya, jaise woh kahin kho na jaaye. Uski aankhon se aansu gir kar Kiara ke gaal par padne lage. “Choti Duniya… aise mat karo… main tumhe yahan se nikaal ke rahunga… chahe mujhe khud ko hi kyun na todna pade…” Usne dheere se Kiara ke maathe par ek kiss diya, jaise usse vaapas laane ki koshish kar raha ho.
Tabhi darwaza khula aur Aprajita andar aayi. Uski aankhon mein gussa tha, par chehre par ek thandi si muskaan. “Wah… itna pyaar,” usne taana maara. “Achha hai… jab todungi na… toh aur maza aayega.” Kiansh ne uski taraf dekha, aankhon mein nafrat aur gussa bhara hua. “Agar use kuch hua… toh main tujhe zinda nahi chhodunga.” Aprajita shaant awaaz mein boli, “Tum pehle khud ko chhuda lo.” Phir woh mud kar jaane lagi aur jaate-jaate keh gayi, “Jab hosh aayega na isse… tab tum dono se ek aisi keemat li jaayegi… jo zindagi bhar yaad rahegi.”
Darwaza band ho gaya aur kamra phir se shaant ho gaya. Kiansh ne Kiara ka haath pakad kar seene se laga liya. “Main yahin hoon… main kahin nahi jaaunga…” Tabhi Kiara ki ungli halki si hili. Kiansh ki saans atak gayi. Usne dhyaan se dekha. Uski palkein thodi si kaanpi. Woh zinda thi. Aur us ek chhoti si harkat ne Kiansh ke dil mein ek nayi umeed jaga di.
Thank u for reading 💗
Stay tuned 😈 👀
Write a comment ...