Kamre mein sirf ek halki si yellow light jal rahi thi.Deewaron par latakti hui zanjeerein…Zameen par pade hue rassi ke tukde…Aur beech mein bandha hua… Kiansh.Uska sir jhuka hua tha.
Haath rassi se bandhe the.Chehre par khoon ke nishaan.Uski aankhein sirf ek jagah dhundh rahi thi…
Kiara.
Woh zameen par padi thi.Behosh....
Baareek saans chal rahi thi.Kiansh ne apni poori taqat laga kar cheekha—
“Kiaraaaa…”
Koi response nahi.Uska dil jaise phat gaya.Aansoon uski aankhon se nikal aaye.
“Please uth jao…
Meri Choti Duniya…
Aise mat lete raho…
Main yahin hoon… main tumhare paas hoon…”
Tabhi darwaza khula.
Clap… clap… clap…
Aprajita andar aayi.
Uske chehre par wahi zehreeli muskaan.
“Wah Kiansh…
Sach mein hero banne ka shauk hai tumhe.”
Kiansh ne gusse se uski taraf dekha.
“Usse kuch hua na…
Toh main tujhe zinda gaad dunga…”
Aprajita hansi.
“Relax… abhi toh game shuru hua hai.”
Woh dheere dheere Kiara ke paas gayi.
Uske chehre par ungli rakh kar boli—
“Tumhari biwi bohot ziddi hai…
Har baar meri raah mein aa jaati hai.”
Kiansh zor se bola—
“Mujhe jo karna hai kar…
Usse chhod de!”
Aprajita ne aankhen sankri ki.
“Hero banne ke chakkar mein…
Tum dono ek saath mare jaoge.”
Woh mud kar bahar jaane lagi.
Jaate jaate boli—
“Jab hosh aayega na isse…
Tab asli tamasha shuru hoga.”
Darwaza band.
Kamra phir andhere mein.
Kiansh ne apni aankhein band kar li.
“Bhagwan…
Agar meri zindagi ke badle isse bachana pade…
Toh mujhe le jaana…
Bas meri Choti Duniya ko kuch mat hone dena…”
Tabhi…
Kiara ki ungli halki si hili.
Kiansh ne aankhein khol di.
“Kiara…?”
Woh dheere dheere hosh mein aane lagi.
“Hmm…”
Usne aankhein kholi.
Sab kuch dhundhla.
“Ki… Kiansh…?”
Uski awaaz kamzor thi.
Kiansh ki aankhon se aansoon beh gaye.
“Main yahin hoon baby…
Main yahin hoon…”
Kiara ne usse bandha hua dekha.
“Ye… hum kahan hain…?”
Kiansh ne dheere se bola—
“Aprajita ke paas…”
Kiara ki aankhon mein darr aa gaya.
Phir usne himmat jod kar kaha—
“Kiansh…
Chahe kuch bhi ho jaaye…
Hum alag nahi honge…”
Kiansh ne mushkil se muskurate hue kaha—
“Pagal hai kya…
Main mar jaunga…
Par tujhe akela nahi chhodunga.”
Dono ek dusre ko bas dekhte rahe.
Andhere kamre mein sirf unka pyaar roshni ban kar jal raha tha.
Jab Maa Ne Beti Ko Chhod Diya
Subah ya shaam ka andaza lagana mushkil tha.
Bas ek thandi si hawa kamre ke andar aa rahi thi.
Kiara ab hosh mein thi.
Lekin bohot kamzor.
Kiansh usse bas dekhe jaa raha tha.
“Paani chahiye…?”
usne dheere se pucha.
Kiara ne sir hila diya.
Kiansh ki aankhon mein bebasi thi.
“Sorry… main tujhe bacha nahi paaya…”
Kiara ne dheere se kaha—
“Tum mere saath ho…
Yahi bohot hai…”
Tabhi darwaza zor se khula.
Aprajita ke saath ek aur aurat andar aayi.
Jaise hi Kiara ne usse dekha…
Uski saans atak gayi.
“Aaaa… maa…?”
Woh aurat koi aur nahi…
Akshara.
Kiansh shock mein tha.
“Tumhari maa… yahan?”
Kiara aankhon mein umeed lekar boli—
“Maa…
Mujhe yahan se le jao…
Please maa…”
Akshara ka chehra patthar ki tarah tha.
Aprajita muskurayi.
“Tumhari maa meri madad kar rahi hai Kiara…”
Kiara ka dil dhak se gir gaya.
“Nahi… jhoot…
Meri maa aisa nahi kar sakti…”
Akshara ne dheere se bola—
“Kiara…
Galti tumhari hai…
Agar tum isse shaadi na karti…
Toh ye sab nahi hota…”
Kiara ki aankhon se aansoon behne lage.
“Maa…
Main aapki beti hoon…”
Akshara ne aankhein pher li.
“Ab nahi.”
Ye shabd…
Kiara ke liye maut se bhi zyada bhayankar the.
Woh zameen par baith gayi.
“Bhagwan…
Mujhe hi maar do…
Par ye sab kyun dikha rahe ho…”
Kiansh cheekh pada—
“Tum maa ho ya rakshas?!
Apni beti ko aise kaun chhodta hai?!”
Akshara chup rahi.
Aprajita hans padi.
“Dekha Kiansh…
Insaan ko todne ke liye talwar nahi…
Apne log hi kaafi hote hain.”
Kiara apni maa ki taraf dekhti rahi.
“Bas ek baar keh do maa…
Ki aap mere saath ho…”
Akshara ne dheere se kaha—
“Main Aprajita ke saath hoon.”
Kiara ki aankhon ki roshni bujh gayi.
Woh behosh ho gayi.
Kiansh ro padha.
“Kiaraaa…!”
Aprajita ne taali bajayi.
“Perfect ending of today’s episode.”
Akshara bina peeche dekhe bahar chali gayi.
Kiansh ne Kiara ko seene se laga kar kaha—
“Tu meri zindagi hai…
Teri maa ne chhod diya…
Par tera pati kabhi nahi chhodga…”
Kiara behosh thi.
Aur andhera aur gehra ho chuka tha.
Write a comment ...