Raat – 2:17 AM
(Teen jagah, ek hi waqt)
Us raat sirf andhera nahi tha…
kisi ka intezaar tha.
Mumbai…
Kapoor Mansion…
aur ek aisi jagah jahan zinda log nahi jaate—
teenon jagah
Aprajita ka khauf hawa me ghula hua tha.
🖤 KIANS H – BADALTA HUA BEHAVIOUR (Mumbai)
Hotel room bilkul shaant tha.
Itni shaanti ki dil zor-zor se dhadakne lage.
Kiansh bed ke kinaare baitha tha.
Aankhein khuli…
par nazar kahin aur.
Sheeshe me uski parchai khadi thi…
lekin jab Kiansh ne haath uthaya—
reflection ne nahi uthaya 😰
Dheemi, jali hui awaaz kaan me padi—
“Teri maa ne mujhe aag di thi…”
Kiansh ka seena jal utha.
Uske dimaag me Surbhi ka chehra aaya—
par mamta ke saath-saath
ek ajeeb si nafrat bhi.
“Tu uska beta hai…”
“meri saza tu banega.”
Kiansh ne gusse me aankhein band kar li—
“Bas karo!”
Par jab aankhein kholi…
room ka temperature achaanak bahut thanda ho chuka tha.
Uska behaviour dheere-dheere badal raha tha—
kam bolna,
zyada chup rehna,
aur ek andar ka gussa jo uska nahi tha.
☕ ROADSIDE CAFÉ – KIARA KA VISION + UNKNOWN MEET-UP
Kiara coffee ka cup pakde khadi thi
jab achaanak uske haath sunn pad gaye.
Streetlight flicker hui.
Hawa ruk si gayi.
Uski aankhon ke saamne wahi bhayanak drishya—
🔥 ek aurat
aadha jala chehra
pet par haath
aur cheekh—
“MERA BACHCHA—”
Kiara ne aankhein band ki…
ye pehli baar nahi tha.
Tabhi peeche se ek awaaz—
“Tum bhi use dekh rahi ho na?”
Kiara palti.
Kiansh.
Par woh pehle jaisa nahi tha.
Aankhon me pehchan kam…
aur andhera zyada.
Ek pal ke liye
dono bas khamosh rahe.
Phir Kiara ne anjaane me
uska haath pakad li.
Sirf ek second.
Us haath me bahut thandak thi—
jaise zindagi dheere-dheere nikal rahi ho.
Kiara dheere se boli—
“Tum akela nahi ho…”
Us pal hawa tez ho gayi.
Kiansh ne haath chhuda li
aur bina dekhe bola—
“Aprajita ko ye pasand nahi aayega.”
Kiara ka dil baith gaya.
Kiansh ne table par gire paani me
ungli se ek jala hua nishaan banaya—
TEEN RAATEIN. TEEN SAZA.
Aur café ke sheeshe par
andar ki taraf se
kisi ne likha—
“PEHLI SAZA SHURU.”
🕶️ KIARA KA RAAZ (SAME NIGHT)
Café se nikal kar
Kiara seedha ghar nahi gayi.
Shehar ke ek abandoned subway entry par
woh ruki.
Usne apna phone nikala—
normal phone nahi tha.
3 taps… pause… 1 tap.
Screen par ek red symbol chamka:
PARANORMAL INTELLIGENCE:-
“Agent K reporting,”
Kiara ne dheere se kaha.
Dusri taraf se awaaz—
“Spirit identified?”
“Name: Aprajita,”
Kiara boli.
“Death by burning.
Highly vengeful.
Target emotionally linked to subject Kiansh Kapoor.”
Ek pal ki khamoshi.
“Protocol 13 applies,”
awaaz aayi.
Kiara ki ungli kaanp gayi.
“No emotional attachment,”
usne dheere se repeat kiya.
Uske dimaag me
Kiansh ka woh ek pal ka haath pakadna flash hua.
“I’ll handle it,”
kehkar usne call kaat diya.
KAPOOR MANSION – SURBHI KI SAZA
Usi waqt Surbhi zor se cheekhi 😭
par jab aankhein khuli—
woh apne room me nahi thi.
Charon taraf aag…
bheed ki cheekhein…
aur beech me ek aurat jal rahi thi.
Wahi awaaz—
“Surbhi…”
Aurat saamne aayi.
Pair zameen par nahi the.
Aankhon me sirf badla.
“Mera naam… Aprajita hai.”
💥 SACH JO JAL KAR MAARA GAYA
Saalo pehle gaon me
Aprajita par kala jaadu ka ilzaam laga.
Woh maa banne wali thi.
Usne Surbhi ke pair pakde—
“Tum bhi maa ho… mujhe bacha lo…”
Par Surbhi ne bheed se kaha—
“Aaj yeh maregi, tabhi hum bache rahenge.”
🔥 Aur Aprajita zinda jala di gayi.
Aaj Aprajita hans rahi thi 😈
“Tune mujhe aag di…”
“ab tera beta meri saza hai.”
Surbhi toot kar gir padi—
“Mere bete ko chhod do!”
Aprajita jhuki,
kaan ke bilkul paas—
“Maa ki saza…
uski aulaad hoti hai.”
SAB JUDNE LAGA :-
Mumbai me Kiara ka watch alert blink hua—
🔴 FIRST DEATH IMMINENT
Usi pal
Kiansh ke peeche sheeshe me
Aprajita ki parchai ubhri.
Usne dheere se kaha—
“Woh ladki rasta hai…”
Kiara door se cheekhi—
“Kiansh! Peeche mat mudna!”
Par Kiansh mud gaya.
Uski aankhon me ab
sirf Aprajita thi.
Aur Mumbai ki raat me
pehli baar
maut ki khushboo faili ☠️
Write a comment ...