✈️ 30,000 Feet Above Ground – Midnight Flight
Flight andhere aasman ko cheer kar aage badh rahi thi.
Cabin lights dim thi. Log aadhi neend mein, aadhe hosh mein.
Kiansh window seat par baitha tha.
Dil bina wajah tez dhadak raha tha.
Uske bagal wali seat par woh kaale dupatte wali aurat bilkul seedhi baithi thi.
Na hilli. Na kuch boli.
Kiansh ne chupchaap apna phone nikala aur maa ko message type kiya—
“Maa, sab theek hai 😊”
Message send nahi hua.
Signal — No Service.
Tabhi bina uski taraf dekhe, aurat ne dheemi par kaat-ti hui awaaz mein kaha—
“Tumhari maa is waqt mandir mein ro rahi hogi…”
Kiansh ka jism sunn pad gaya 😰
Woh turant uski taraf dekhta hai.
“Excuse me… aap mujhe jaanti hain?”
Aurat dheere-dheere apna chehra uski taraf modti hai.
Dupatta thoda sa khisakta hai…
Chehra peela, jaise khoon hi na ho.
Aankhein kaali… bilkul khaali.
Woh muskurati hai.
“Main tumhari maa ko bhi jaanti hoon…
aur tumhare baap ko bhi.”
🕯️ Kapoor Mansion – Same Time
Surbhi mandir ke saamne baithi thi.
Uske haath ka diya baar-baar bujh raha tha.
Uska dil zor-zor se dhadak raha tha.
“Mahadev… mere bete ki raksha karna…” 🙏
Tabhi mandir ke sheeshe mein
ek parchai ubhar kar aati hai.
Wahi kaali aurat.
Is baar uska chehra thoda sa saaf dikh raha tha.
Surbhi ka gala sookh gaya.
“A… aap kaun ho?”
Aurat dheere se boli—
“Jo kabhi maa thi…
aur jise tumne maa banne ka haq chheen liya.” 😈
IN PAST ( 20 SAAL PEHLE)
Flight ke andar, cabin ka shor dheere-dheere gayab hone lagta hai.
Kiansh ko lagta hai jaise waqt ruk gaya ho.
Aurat ki awaaz ab charon taraf goonj rahi thi—
“20 saal pehle…”
Scene badalta hai.
Ek chhota sa hospital room.
Ek aurat zameen par padi hai, khoon se lathpath.
Woh pregnant hai.
Dard se chilla rahi hai.
Saamne khadi hai—
Surbhi.
Young Surbhi ke haath kaanp rahe hain.
Doctor chillata hai—
“Baby ko bachaya ja sakta hai…
lekin agar operation kiya toh maa nahi bachegi!”
Surbhi ki aankhon mein sirf dar tha.
Aur apni zindagi ka lalach.
Usne dheemi awaaz mein kaha—
“Operation mat kijiye…”
Doctor shocked.
“Agar humne kuch nahi kiya toh—”
“MAINE KAHA MAT KARIYE!”
Surbhi chillayi.
Agli subah…
Woh aurat mar chuki thi.
Uske pet mein pal raha bachcha bhi.
Hospital corridor mein Surbhi khadi thi…
apna haath apne pet par rakh kar.
Woh pregnant thi.
BACK TO PRESENT 😈– (IN FLIGHT)
Aurat Kiansh ke bilkul paas aa chuki thi.
“Tum us bachche ki jagah ho…
jo kabhi paida hi nahi ho paaya.”
Kiansh ka jism kaanp raha tha.
“Nahi… meri maa aisi nahi ho sakti…”
Aurat hans padti hai.
Uski hansi cabin mein goonj jaati hai—
“Har maa devi nahi hoti…”
Tabhi plane zor se JERK leta hai 😱
Oxygen masks neeche gir jaate hain.
Passengers chillane lagte hain.
Kiansh seat belt mein jakda hua hai.
Woh dekhta hai—
bagal wali seat khali hai.
Par uski kalai par
thande, geele nishaan ubhar aate hain.
🕯️ Kapoor Mansion – Final Blow
Mandir ka diya ekdum se phat jata hai.
Surbhi cheekhti hai—
“MERE BETE KO CHHOD DO!”
Aurat saamne aa khadi hoti hai.
Is baar poori tarah.
Uske pair zameen se upar the.
Pet par gehra ghaav.
“Jaise tumne mujhe chhoda tha…”
Woh Surbhi ke kaan mein phusphusati hai—
“Ab ya toh tum sach maanogi…
ya phir apna beta kho dogi.” 😈
Write a comment ...