Ye kahani shuru hoti hai Mumbai se door, ek aise ghane jungle se…
jahan andhera sirf roshni ki kami nahi,
balki zinda rehne ka khatra tha.
Wo jungle apni bhayankar kaali shaktiyon ke liye mashhoor tha.
Isiliye uske aas-paas na koi insaan bhatakta tha,
na hi koi jaanwar.
Aur agar koi galti se us jungle me kadam rakh bhi deta…
toh wapas lautne ka sawal hi paida nahi hota.
Kyunki us jungle me woh rehti thi…
Ek chudail.
Jo apni kaali shaktiyon ko badhane ke liye
logo ki bali chadhati thi.
Ek purani, kaali murti ke saamne—
apni devi ko khush karne ke liye,
taaki woh devi use aur bhi shaktishaali bana de…
aur phir ek din,
poori duniya par raaz kare.
Us raat bhi jungle me kaala jadu ho raha tha.
Hawa me ajeeb si badbu thi.
Mantron ki goonj har taraf fail rahi thi.
Tabhi…
ek aadmi aage badhta hai.
Chudail ke hothon par ek devil si muskaan fail jaati hai 😈
Jaise use pata ho—
yeh shikar khud chal kar aaya hai.
Bina ek pal gawaye,
woh us aadmi ki bali chadha deti hai.
Aur phir…
uski bhayanak hasi poore jungle me gunj uthti hai😈—
itni darawni, ki ped bhi jaise kanp uthe.
Uske saath-saath
uski saari dasiyan bhi hasne lagti hain.
Unki hasi milkar mahaul ko aur bhi khaufnaak bana deti hai.
Woh chudail aur koi nahi…
Aprajita thi.
Jo kaafi samay se is jungle me
apni shaktiyon ko badhane ke liye
bekasoor logo ki bali chadha rahi thi.
Is jungle me jaane se log darte nahi the—
woh toh sirf iska naam sun kar hi kanp jaate the.
Aur aaj bhi…
koi is jungle ka naam
apni zubaan par laane ki himmat nahi karta
Write a comment ...