Toh jaisa ki kal bataya gaya tha,
uss jungle aur uss chudail ka naam sunte hi logon ki rooh tak kanp jaati thi.
Wajah sirf uska darawna hona nahi, balki uska insaanon ke beech chhup kar rehna tha.
Woh chudail agar insaanon ke beech chali bhi jaati,
toh koi usse pehchaan hi nahi pata.
Uska rehna, bolna, chalna—
sab kuch bilkul ek normal insaan jaisa hota.
Aaj tak kisi ne uska asli chehra nahi dekha tha.
Aur jisne bhi galti se dekh liya…
woh zinda nahi bacha.
Uske paas jaane ki himmat kisi mein nahi thi.
Log uska naam tak apni zubaan par laane se darte the.
Lekin ek baar kuch doston ka group,
jo bhoot-pret aur kaali shaktiyon par bilkul bharosa nahi karta tha,
uss jungle mein ghus gaya.
Unke liye woh raat
sirf darawni hi nahi,
unke jeevan ki aakhri raat sabit hui.
Andhere mein bhatakte hue,
unhe door ek purana kila dikhai diya.
Toota-phoota, sunsaan…
lekin uske andar se laal roshni aa rahi thi.
Raat guzarne ke liye
woh log us kile ke andar chale gaye.
Par uske baad…
unhone kabhi subah nahi dekhi.
Agli subah sirf kuch cheezein mili—
unke bags,
jo ek car mein rakhe hue the.
Ye sab tab pata chala jab
subah gaon ke kuch log apne kaam par ja rahe the
aur unke beech ek aadmi aa pahuncha—
jo unn doston ko dhoond raha tha.
Woh unki car ka driver tha.
Us din ke baad se
uss jungle ka khauf aur bhi badh gaya.
Log uss raste se guzarna tak band kar chuke the.
Aur jo kabhi galti se wahan se nikalta…
woh wapas nahi aata.
Darasal, woh chudail saalon se
ek khaas insaan ka intezaar kar rahi thi.
Ek aisi bali…
jo usey poori duniya par raaj karne layak bana de.
Lekin woh insaan India mein nahi tha.
Woh London mein tha.
Aur woh aur koi nahi balki
Kapoor Industries ka CEO— Kiansh Kapoor tha.
In sabse bilkul anjaan,
London mein Kiansh apni family ke saath
khushi se zindagi jee raha tha.
**London – Morning 8:00 AM
Kapoor Mansion**
Kiansh ke room ke bahar knock hoti hai.
“Beta, jaldi neeche aa jao.
Breakfast ready hai.”
“Aa raha hoon, mom.”
Ye awaaz thi Surbhi Kapoor ki—
Kiansh ki maa.
Kiansh apni stylish watch pehente hue
jaldi se ready hota hai
aur neeche dining table par aa kar
apne mom-dad ko good morning bolta hai.
Breakfast ke dauran
uske dad, Sidharth Kapoor, poochte hain—
“Beta, aaj 500 crore ki deal final honi thi na?”
“Ji dad,
aaj meeting ke baad deal final ho jaayegi.”
“Arre, pehle bacche ko breakfast toh kar lene dijiye,”
Surbhi Kapoor bolti hain.
“Har waqt office, office…”
Sidharth Kapoor muskura kar bolte hain,
“Jo hukum, biwi ji.”
Ye sunkar Kiansh bhi halki si smile kar deta hai.
Tabhi Surbhi(k'mom)
Kiansh ki shaadi ka topic chhed deti hain.
“Beta, ab tum shaadi bhi kar lo.”
“Kar lunga mom,
jab koi achhi ladki milegi.”
“London mein itni ladkiyan hain,”
woh kehti hain.
“Koi toh pasand aa hi jaayegi.”
“Aapko pata hai na,”
Kiansh bolta hai,
“mujhe yahan ki ladkiyan pasand nahi.
Mujhe koi Indian ladki chahiye.”
“Achha, meri friend ki beti hai—
Kavya,”
Surbhi Kapoor kehti hain.
“Indian hai, perfect hai tumhare liye.”
Kavya ka naam sunte hi
Kiansh jo juice pee raha hota hai,
usey khaansi aa jaati hai.
Usey Kavya bilkul pasand nahi thi.
Bina kuch bole,
woh jaldi se breakfast khatam karta hai
aur office ke liye nikal jaata hai.
Usse zara bhi andaaza nahi tha ki—
jiski bali ka intezaar saalon se ho raha tha,
woh wahi tha.
😈🖤
Write a comment ...